តំបន់ទេសចរណ៍នៅលើពិភពលោក

អាងហែលទឹកស្អាតបំផុតលើពិភពលោក!

មានរឿងខ្លះ យើងត្រូវពិនិត្យមើលមុនកក់សណ្ឋាគារ ដូចជាសណ្ឋាគារនោះស្អាត មានអនាម័យទេ តម្លៃអាចឱ្យយើងលៃលកបានអត់ តើវាមានអាងហែលទឹកទេ…។ បើនិយាយពីអាងហែលទឹក យើងក៏ត្រូវមើលថា វាស្អាត គួរឱ្យចាប់អារម្មណ៍ចង់ហែល និងមានទេសភាពជុំវិញបែបណាដែរ មែនទេ? ដូច្នេះ ថ្ងៃនេះ Sabay សូមនាំប្រិយមិត្តទៅស្គាល់ទីតាំងអាងហែលទឹកក្នុងសណ្ឋាគារ និងកន្លែងលំហែកាយ ដែលស្អាតជាងគេនៅលើពិភពលោក (បើតាម US News)។ ពេលទស្សនាហើយ កុំភ្លេចជួយប្រាប់វិញផងថា អាងហែលទឹកទាំងនោះស្អាតដែរទេ?

Marina Bay Sands

អាងហែលទឹកនៅសណ្ឋាគារ Marina Bay Sands នៅប្រទេសសិង្ហបុរី ដែលលាតសន្ធឹងលើគែម Sky Park និងអមដោយដើមត្នោតប្រមាណ៥០០ដើម

អាងហែលទឹកនៅសណ្ឋាគារ Caruso Belvedere នៅទីក្រុង Ravello ប្រទេសអ៊ីតាលី ដែលកាលពីសតវត្សទី១១ ទីតាំងសណ្ឋាគារនេះជាវាំង

អាងហែលទឹកនៅសណ្ឋាគារ The Joule នៅទីក្រុង Dallas ភាគខាងជើងរដ្ឋ Texas សហរដ្ឋអាមេរិក។ The Joule ស្ថិតនៅអតីតអគារធនាគារជាតិ Dallas។ សណ្ឋាគារដែលលម្អដោយគ្រឿងសង្ហារិមក្នុងផ្ទះទសវត្សរ៍ឆ្នាំ១៩២០ ត្រូវគេចាត់ទុកថាជាឧទាហរណ៍នៃចំណងរវាងសម័យបុរាណ និងបច្ចុប្បន្ន។

អាងហែលទឹកនៅសណ្ឋាគារ Ubud Hanging Gardens លើកោះបាលី ប្រទេសឥណ្ឌូណេស៊ី ដែលសង់ឡើងយកលំនាំតាមតំបន់ធ្វើស្រូវតាមជម្រាលភ្នំនៅលើកោះនោះ

អាងហែលទឹកនៅសណ្ឋាគារ Chocolat ក្នុងទីក្រុង Soufriere ប្រទេស St. Lucia ខាងកើតសមុទ្រ Caribbean ជាប់ព្រំប្រទល់ជាមួយមហាសមុទ្រ Atlantic

អាងហែលទឹកនៅកន្លែងលំហែកាយ Amangiri តំបន់ Canyon Point ភាគខាងជើងរដ្ឋ Utah សហរដ្ឋអាមេរិក។ Amangiri មានន័យថា ភ្នំសន្តិភាព។ បើតាមឈ្មោះនេះ ប្រិយមិត្តដែលទៅលំហែនៅទីនោះពិតជាអាចទទួលបាននូវភាពស្ងប់ស្ងាត់ ជាមួយនឹងការគយគន់ទេសភាពជុំវិញបានយ៉ាងសប្បាយ។

អាងហែលទឹកនៅកន្លែងលំហែកាយឯកជន San Alfonso del Mar ដែលស្ថិតនៅភាគខាងជើងទីក្រុង Algarrobo សាធារណរដ្ឋ Chile។ អាងហែលទឹកនេះជាប់ឈ្មោះក្នុង Guinness World Record ក្នុងនាមជាអាងហែលទឹកធំ និងមានជម្រៅជ្រៅបំផុតលើពិភពលោក។ អាងហែលទឹក (អភិវឌ្ឍន៍ដោយក្រុមហ៊ុន Crystal Lagoons និងបូមយកទឹកពីមហាសមុទ្រប៉ាស៊ីហ្វិកមកផ្គត់ផ្គង់) មានប្រវែង១ពាន់ម៉ែត្រ និងលាតសន្ធឹងលើផ្ទៃដី៧.៧ហិចតា ដែលអាចផ្ទុកទឹកសមុទ្របាន២៥០លានលីត្រ។

អាងហែលទឹកនៅកន្លែងលំហែកាយ Qasr Al Sarab Desert ក្នុងរដ្ឋធានី Abu Dhabi (មានន័យថា Father of Deer) ប្រទេសអារ៉ាបរួម

អាងហែលទឹកនៅកន្លែងលំហែកាយ Four Seasons Resort Maui at Wailea លើកោះ Maui (កោះធំបំផុតទី១៧នៅសហរដ្ឋអាមេរិក) នៃប្រជុំកោះ Hawaii

បើបានសម្រាកលេងនៅលើកៅអី ក្បែរអាងហែលទឹកទាំងនេះ គយគន់ទេសភាពជុំវិញ ឬអានសៀវភៅបណ្ដើរ ស្ដាប់ភ្លេងបណ្ដើរ ហើយចុះទៅហែលទឹក រួចឡើងមកវិញ ពិសាភេសជ្ជៈ និងអាហារសម្រន់បន្តិច មិនដឹងជាមានន័យយ៉ាងណាទេ! បើបានទៅលំហែជាមួយអ្នកពិសេសទៀត កាន់តែមានន័យ មែនទេ?

ប្រែសម្រួល៖ ណាឡម

Kentingឧទ្យានជាតិដំបូងបង្អស់នៅ…

ឧទ្យានជាតិ Kenting គឺជាឧទ្យានជាតិដែលខណ្ឌចែកជាពីរខាងជើងនិង ខាងត្បូងដោយភ្នំរាប Hegchun។ ឧទ្យាននេះ បានកសាងលើកដំបូងក្នុងឆ្នាំ ១៩៨៤ និង ជាឧទ្យានជាតិដំបូងបង្អស់នៅតៃវ៉ាន់។
Kenting មានទីតាំងស្ថិតនៅក្នុងតំបន់ Hengchun ខេត្ត Pintung តៃវ៉ាន់។ ឧទ្យានជាតិនេះមានចំនួនប្រជាជនច្រើន និង មានទំហំ ៣៣៣ គីឡូម៉ែត្រការ៉េ ក្នុងនោះផ្ទៃដីមានក្រឡាផ្ទៃ ១៨១ គីឡូម៉ែត្រការ៉េ។ Kenting ក៏មានជីវិតសត្វចម្រុះរស់នៅច្រើនសំបូរបែបផងដែរក្នុងនោះ បក្សីមាន ៣១០ ប្រភេទ មេអំបៅ ២១៦ ប្រភេទ ត្រីទឹកសាប ២១ ប្រភេទ ពពួកសត្វល្មូន និង ពពួកសត្វដែលអាចរស់នៅក្នុងទឹកក៏បានលើគោកក៏បានមួយចំនួនទៀត។
ក្រៅពីមានជីវិតសត្វចម្រុះរស់នៅទីនោះ Kenting ក៏មានចម្ការដំណាំហូបផ្លែសំបូរបែបរបស់ជនជាតិតៃវ៉ាន់ផងដែរ។ ប្រសិនបើអ្នកមានបំណងទៅទស្សនានៅទីនោះ អ្នកនឹងបានបង្កើតនៅសកម្មភាពរីករាយ និង ការសម្រាកលំហែកាយប្រកបដោយភាពស៊ីវិល័យ៕