ទៅលេងភ្នំហាន់ជ័យម្ដង!
កម្ពុជាពិតជាដែនដីសុវណ្ណភូមិពិតៗ
ដែលសម្បូរទៅដោយបេតិកភណ្ឌជាតិ
និងទីកម្សាន្តបែបធម្មជាតិច្រើនរាប់មិនអស់ពាសពេញផ្ទៃប្រទេស។
ក្នុងទំព័រនេះ
Sabayសូមនាំអារម្មណ៍របស់មិត្តអ្នកអានទៅលេងកម្សាន្តតំបន់ទេសចរណ៍
ធម្មជាតិដែលប្រមូលផ្ដុំគ្រប់ផ្ទាំងទស្សនីយភាព គឺភ្នំហាន់ជ័យ
ឬអ្នករស់នៅក្នុងតំបន់តែងនិយមហៅថាជ័យគិរី។
ទីកម្សាន្តដែលលាក់ខ្លួនពួនអាត្មាឆ្ងាយពីបណ្ដាភ្នែកអ្នក
ទេសចរណ៍ផងទាំងពួងនេះ ស្ថិតនៅឃុំហាន់ជ័យ ស្រុកកំពង់សៀម ខេត្តកំពង់ចាម
ដោយធ្វើដំណើរប្រមាណជា២០គីឡូម៉ែត្រពីទីរួមក្រុងកំពង់ចាមឆ្ពោះ
ទៅកាន់ភាគខាងជើងតាមបណ្ដោយផ្លូវប្របដងទន្លេមេគង្គ។
នៅលើកំពូលភ្នំដ៏ខៀវស្រងាត់ ខ្យល់ត្រជាក់បក់ផាត់សព្វរាងកាយ ស្ដាប់សូរចាបយំ គ្រប់ភ្ញៀវទេសចរណ៍ជាតិ-អន្តរជាតិទាំងអស់អាចគយគន់ទីតាំងភូមិសាស្ត្រ ទឹកដីខេត្តកំពង់ចាមភាគខាងជើង ដែលគ្រប់ដណ្ដប់ដោយព្រៃប្រឹក្សា កោះតូចធំ អមសងខាងដោយទឹកទន្លេហូរមិនចេះហត់កប់ជើងមេឃ។
មិនទាន់អស់នៅឡើយទេ សម្រាប់អ្នកដែលចូលចិត្តគយគន់ប្រាសាទបូរាណ
ក៏អាចឆ្លៀតទៅទស្សនាបាន។
ប៉ុន្តែអ្វីដែលប្លែកកម្រជួបប្រទះនៅទីនោះគឺ
ការកសាងសំណាករូបផ្លែឈើ ដូចជាផ្លែកស្វាយ ផ្លែចេក ផ្លែស្រកានាគ
ផ្លែធូរេន មើមខ្ទឹម នំគម នំអន្សម នំគម នំបត់
និងរូបសំណាកផ្សេងៗទៀតជាច្រើនដែលមានទំហំធំ
និងកំពស់ខ្ពស់ប្លែកមិនធ្លាប់មាន។
ពេលខ្លះគ្រាន់តែស្ដាប់ គ្រាន់តែអាន ឬគ្រាន់តែលឺ
ពិតជាមិនដូចបានទៅឃើញផ្ទាល់ភ្នែកទេ ដូច្នេះSabay
យល់ថាក្នុងនាមជាកុលបុត្រកុលធីតាខ្មែរ គួរតែស្វែងយល់ តោងដឹង
តោងស្គាល់ទីតាំងភូមិសាស្ត្រក្នុងស្រុកឲ្យបានច្រើន
ប្រសិនបើពេលវេលាអំណោយផល
ដើម្បីកុំឲ្យចាញ់បរទេសដែលមានមកលេងស្រុកខ្មែរ។
តើនរណាខ្លះស្គាល់
និងធ្លាប់បានទៅលេងកម្សាន្តនៅភ្នំហាន់ជ័យនេះ?
ធៀបតំបន់នេះទៅកន្លែងផ្សេងយ៉ាងម៉េចដែរ? នរណាខ្លះមិនធ្លាប់ទៅ?
នរណាខ្លះមានគម្រោង?
អត្ថបទ&រូបថត៖ សេង ណារិទ្ធ
នៅលើកំពូលភ្នំដ៏ខៀវស្រងាត់ ខ្យល់ត្រជាក់បក់ផាត់សព្វរាងកាយ ស្ដាប់សូរចាបយំ គ្រប់ភ្ញៀវទេសចរណ៍ជាតិ-អន្តរជាតិទាំងអស់អាចគយគន់ទីតាំងភូមិសាស្ត្រ ទឹកដីខេត្តកំពង់ចាមភាគខាងជើង ដែលគ្រប់ដណ្ដប់ដោយព្រៃប្រឹក្សា កោះតូចធំ អមសងខាងដោយទឹកទន្លេហូរមិនចេះហត់កប់ជើងមេឃ។
អត្ថបទ&រូបថត៖ សេង ណារិទ្ធ
No comments:
Post a Comment